Аудандық ақындар мүшайрасы

Аудандық білім беру бөлімінің жұмыс жоспарына сәйкес, Хәкім Абайдың 175 жылдық мерейтойына орай, Шортанды №3 орта мектебінің негізінде 8-10 сынып оқушылары арасында аудандық ақындар мүшәйрасы өткізілді. Ақындар мүшәйрасының негізгі мақсаты мен міндеттері-қазақ халқының әдеби мұраларын дәріптеу,мектеп оқушыларының қазақ халқының бас ақыны болып табылатын Абай шығармаларына деген қызығушылығын және оқушыларды халқымыздың рухани мұрасына деген сүйіспеншілігін арттыру.
Мүшәйраға аудан мектептерінің оқушылары қатысты.
Мүшәйра 2 кезеңнен өтті. І кезең-қатысушының өзі шығарған бір өлеңін жатқа оқу. ІІ кезең қатысушы белгілі бір берілген тақырып төңірегінде өлең шығару болды. Мектебімізден мүшәйраға 8-сынып оқушылары Мұрат Назым мен Өнербек Айтгүл белсене қатысып 3 орын иеленді.Жетекшісі- Байдрахман Айнур Шүкірқызы.Сондай-ақ 10-сынып оқушылары Бегзат Айжан мен Сәулетай Женіс те өз бақтарын сынады. Нәтижесінде Бегзат Айжан 2 орын иеленсе, Сәулетай Женіс гран-при иегері атанып облысқа жолдама алды. Жетекшісі- Паней Сулушаш. Оқушыларымыз мен жетекшілерін шын жүректен құттықтай келе, шығармашылық табыс тілейміз. Облысқа жолдама алған Сәулетай Женіске облыстық кезеңде сәттілік тілейміз!